شرح مبدئي مفصل لكل الناس اللى مش فاهمة فكرة المشروع

تذكير بمساهمة فاتح الموضوع :

السلام عليكم ورحمه الله وبركاته
اهلا وسهلا بيكم معانا ف المشروع وبنشكر اختنا نور الايمان ع المنتدى دا اللى هيكون ان شاء الله مكان شغلا الجديد
ايميلى ف اخر الموضوع بعد متخلصوا قراءة
مبدئيا احب اقولكم سبب تفكيري ف الموضوع دا من زمان من حوالى سنتين فاتوا
كنت ديما بفكر ف ان ازاى البنت او المرءاة تشتغل وف نفس الوقت تقلل من الاختلاط والخروج والذى منه ديما كنت افكر ف الموضوع دا واخيرا عرفت الطريق وهو العمل المنزلى ولكن لو واحدة اشتغلت ف عمل منزلى من البيت يعنى اعمال يدوية وكدا دا شغل العائد المادى بتاعه قليل اوى ثانيا انا بكرهه التسويق واحده تروح تتحايل ع حد واساسا المشترى لما حد يروحله يفتكر نفسه بقى خلاص يعنى ويبيع ويشترى ف اللى قدامه فطبعا الموضوع دا كان بالنسبة ليا منتهى .,,,,,,, بعد كدا وتقريبا وانا ف سنه تالته جامعة دكتور عندنا كان بيتكلم عن الربح الالكترونى وانواعه وكلنا عجبنا الموضوع وسالنا فيه كتير والراجل متاخرش عننا وقالنا ابحثوا وانتوا تتاكدوا وفعلا اتاكدنا من كلامة وطلع صح
وحقيقية القول ان الاجانب بشكل عام فيهم نسبة كبيرة بتعمل ف المجالات الالكترونية زى مثلا البرمجة يعنى يبيعوا برامج او الفوتوشوب او غيره وغيره حتى التعديلات ع نسخ الويندوز بيبعوها وليهم عائد مادى كويس
بس طبعا الكلام دا محتاج دراسة ودراية بالمجالات دى ,,,,,,, طبعا انا هكون مملة شوية بس احب تكونوا ع نور بكل حاجة اعذرونى
طبعا مش معنى كدا ان المشروع بتاعنا دا للبنات بس لا دا لكلوا
ندخل ف التفاصيل مبدئيا اوجه العمل ع النت كتيرة جدااااااااااا جدا دا اللى قليل مننا يعرفوا يعنى ف مصر احنا تعددنا مثلا 85 مليييييييون عاوزة اقولكم ان عدد لا يتجاوز 2000 شخص بس هما اللى يعرفوا او يسمعوا عن الموضوع دا ونصهم بيشاع بينهم انه كله نصب ,
طيب ايه الدنيا او الموضوع ماشى ازاى هقولكم اننا ان شاء الله هنعرف كل اوجه العمل دى
بس انا من وجه نظرى ان الاستثمار يعنى لو انا هستثمر جنيه الجنية دا يبقي زيادة عن حاجتى يعنى بمعنى اصح اكون مش محتاجه ولو خسرتوا مياثرش ع مصروفاتى الضرورية والاساسية تماما
بما ان قليل مننا اللى عنده مثلا مبلغ ما مستغنى عنه وممكن يخسره فاحنا هنشتغل ف البداية ع الشغل اللى مش بندفع فيه خالص حتى لو كان متعب شوية ولما يبقي ف دخل كويس نقدر ناخد منه جزء ونستثمره ف مجالات اكبر واوسع ,,
كدا احنا قدامنا كل المجالات المشروعة طبعا اللى مش بندفع فيها هنشتغل فيها
نبدء باول مجال
الاعلانات
نفهم بردو الموضوع ماشى ازاى ايه الاعلانات دى ,,, طبعا كلنا عندنا تليفزيون اى منتج جديد اى فيلم اى جريدة جديدة كل الكلام دا يروح مدير الشركة يطلب من قناة من القنوات المطلوبه ف المشاهدة ويشترى منهم مدة اعلان عارفين ان التعامل بالثانيه يعنى كل ثانيه مثلا ب 10 ,000 جنيه مصرى شوفوا بقى بيتكرر كام مره ف اليوم وكام اعلان ومدته قد ايه دا ف التليفزيون,,,,,,, الاجانب نفس الشئ بس مش عاملين كدا ف التليفزيون بس لا دا كمان ع النت يعملوا مواقع ويحطوا فيها اعلانات ويخلوا الناس يشوفوها نظير مبالغ مالية مختلفة طبعا من موقع للتانى طبعا اغلب الاعلانات بتبقى عن منتج : منتج مبيض للاسنان منتج يشيل البقع كريم شمس حاجات من دى ووممكن اعلانات تذاكر سفر مخفضة وحاجات من دى كتير ,,,
طيب هو احنا لازم نشوف الاعلانات هقولك مش مهم المهم ان مواقع الشركات دى مصممه ان علشان تاخدى تمن مشاهدة كل اعلان لازم يمر مثلا 60 ثانيه ع كل اعلان يعنى تفتحية دقيقه وتقفلى وبيظهرلك طبعا عداد بيعد الثوانى دى ,,, طب دا كلام كويس بس ف مشكلة النصب
ازاى بقى : ان ف شركات بيكون الادمن معندوش ضمير يخليكى تدخلى وتشوفى الاعلانات وميديلكيش فلوس ,,, هتقوليلى مانا ممكن ادخل اجرب ولو لقيته كدا اسيبه هقولك لا طبعا انتى لازم يكون معاكى مبلغ معين ف كل موقع علشان تقدرى تسحبيه وهنتكلم دلوقتى عن بكام الموضوع دا وانتى دخلك هيبقي قد ايه ونحل مشكلة النصب دى ازاى ,,,,,,,
مبدئيا التعاملات كلها بعملات اجنية وغالبا هتكون دولار
انا هحسبالكم طبعا الحسابات بالمتوسط الحسابى يعنى ف حاجات بتزيد وحاجات بتقل هتشوفوا الكلام دا فيما بعد

الدولار 1$ بيساوى 100 cent
السنت بيساوى ب المصرى 6 قروش
الاعلان الواحد مدته حوالى 1 دقيقه وتمنه من 1 سنت ل 3 سنت
نقول متوسط 2 سنت يعنى الواحد ب 12 قرش
كل موقع فيه من 3 ل 6 اعلانات
يعنى متوسط 4 اعلانات يعنى كل موقع ف اليوم بتكسبى منه مبلغ 0,48 جنية "يعنى 48 قرش " تمام لحد كدا
قد ايه الشركات دى هقولكم كتير اوى اوى ممكن حوالى 3000 شركة بنفس النظام كدا حتى هتلقولهم شبه بعض كمان لانهم بيشتروا المواقع من شركة او اتنين بتبعهم جاهزين
طبعا هنعرف ازاى بعد شوية هنفلتر الشركات دى واحنا ورزقنا ونعرف ايه الكويس وايه اللى مش كويس
نرجع تانى للحساب اننا هنشتغل ع 100 شركة متفلترين واتاكدنا انهم تمام صادقين
يعنى ف اليوم هتضغطى ع 400 اعلان ف دقيقه يعنى 400 دقيقه يعنى 6 ساعات شغل بس
كمان انتى ممكن تفتحى اكتر من موقع مع بعض يعنى 3 شركات مع بعض يعنى ال 6 ساعات يبقي 2 ساعه شغل بسسسسس ع حسب سرعة جهازك حلو لحد كدا ,,
بكام بقى 100 شركة كل شركة ب 0,48 جنيه يعنى 48 جنيه ف اليوم يعنى ف الشهر 1440 جنيه بالضبط دول لو 100 شركة بس طيب فمبالك لو اتاكدنا من 200 شركة يبقي الضعف طب لو 300 يبقي 3 اضعاف وهكذا وكلها ارزاق بايد ربنا وعاوزه اقولكم ان الشركات بتستفيد اضعاف اللى بتديه لينا , طبعا لسه ف حاجات كتير تانية نزود بيها المبلغ دا وهقولكم ازاى بعد شوية , انا افترضت انك مش بتضغطى ع كلوا ويوم مثلا مش فاضيه مش عارفة ايه كدا وقولت متوسط 1000 جنيه ف الشهر .
ندخل بقى بشكل تفصيلى شوية ف الموضوع
اولا الكلام دا كويس اوى بس كدا ممكن كل واحد يشتغل لوحده ومع نفسه ليه بقى لازم نكون مع بعض ونفرق ايه كدا عن الاجانب هقولكم نفرق كتير ازاى ان الشركات دى عاوزه تجيب ناس تشوف الاعلانات علشان تكسب والناس تجيب ناس علشان العدد يزيد يعنى ايه مش فاهمين ,,,,
يعنى مثلا الشركة "اب"
بتقولك انت عضو عندى وهتشوف الاعلانات عندى ولو جبت عضو كمان وسجل من خلالك انا هديلك نسبة من مشاهدته للاعلانات بتاعته متوسط بردو 50 %
يعنى لنفترض انكم سجلتوا من خلال الاداره هنا انتى ليكي 100 % دى نسبتك الاصلية وليكي كماااااان 50 % اللى هتضاف لاداره يبقي كانك خدتى نسبة 150 % من الشركات يعنى بدل 1440 جنيه لا دى كمان هتبقى 1440 + 720 = 2160 جنيه
دا الفرق ف اننا نكون جروب مع بعض ويبقي مشروع باسمنا
النصب بقى اللى بنشوفه من اصحاب الشركات بس
لا من كمان بعض الناس تعلن عن الشركة وندخل نسجل وهما يستفيدوا وانتى ملكيش غير نسبتك بس 100 % الاصلية لا احنا بقى هنزود النسبة وكلنا نستفيد وكدا هنفرق عن الاجانب ف اننا نحب الخير لبعض
ازاى نعرف الشركات النصابه من اللى مش نصابة ودى ميزه تانية لاننا نكون جروب وشركة مع بعضنا , مبدئيا احنا عددنا هيكون حوالى 100 موظف وموظفة وقابل للزيادة بس يستحسن يكون ال 100 بس ,,,,,,,

اننا نسحب من الشركات دى تقريبا المتوسط الحسابى بردو للحد الادنى حوالى 3 $ تمام يعنى حوالى كام اعلان 150 اعلان مقسمة ع عدد الايام طبعا
ولكن الاداره هتسحب بدرى ازاى يعنى لو احنا 100 ف يوم او يومين بالكتير هنسحب من كل شركة وبكدا هنعرف الشركة النصابه من اللى مش نصابة ف ظرف 48 ساعة
فنقدر بالشكل دا نختبر عدد لا نهائى من الشركات وانتى كدا مش هترهقى ف العمل وبالتالى بمنتهى السرعة هنعرف الشركات الحقيقية من النصابة ويزيد بقى العدد زى ماحنا عاوزين ,
كمان السحب عن طريق البنوك الالكترونية وانتى بتعتى حواله ع البنك العادى لو ليكي حساب بنكى وحتى لو مالكيش بتكتبى عنوان البنك وبياناتك وتوصلك ف خلال يومين , طيب لو انتى خايفة من التعامل الالكترونى حوليلى المبلغ وانا هحوله ليكي ع البريد عاااادى جدا
كمان احنا هيكون معانا 6 منكم دول هيدربوا ع كل حاجه واشكال وانواع الشركات لانهم هيعملوا شروحات وطبعا هيتحاسبوا عليها وكمان فريق للترجمه منهم بردو واتنين او تلاته كول سنتر علشان لو ف اى مشكله يردوا عليها تليفونيا وبردوا شغالين معانا بنفس الطريقة بس دا شغل اضافى هيتحاسبوا عليه
كلام جميل لحد دلوقتى
حضرتك مكانش ف حسبانك يزيد دخلك 1000 ولا 2000 ولا 3000 جنيه ربنا وحده هو اللى هيرزقك بالمبلغ دا علشان ربنا يباركلك ويكرمك فلا تبخلى عليه
عاوزين نقتطع مبلغ من كل شهر مثلا انتى هتكملى كل شهر 1000 جنيه ع سبيل المثال ناخد منها 100 جنية كل واحد مننا طبعا يبقي كلوا 100 * 100 = 10,000 ونطلعهم لله اما نشارك ف مسجد بمبلغ كل شهر او نكفل يتامى او اى عمل خيرى هنختاره فيما بعد بس لازم الاول نكون متفقين ع النقطه دى .
ياريت اللى هيسجل ف المنتدى وهيكون اللى موافق ع الكلام دا مبدئيا
ربنا يؤفقنا جميعا ان شاء الله
وهنبدء العمل ف خلال يومين تلاته .

ايميلى
kentaco@yahoo.com

طيب انا مش لاقياكى عندى خالص ممكن بعد اذنك تبعتيلى اى حاجة فى الشات هناك حتى لو انا مش اونلاين معلش

و كمان موضوع التسجيل فى البنك ده فى ناس بتقول لازم وصل كهرباء او ماية و انا سجلت و مطلبش منى حاجة كده يبقى انا ماشية صح ولا ايه

أنا فعلا بعتلك اوف لاين
وانتى احذى ايميلى وضيفيه مره تانيه
وانتى كدا ماشية صح وخطوة التفعيل للبنك ممكن لسه شوية مش لازم دلوقت

انا معاكم وكنت رقم 26

ربنا يوفقنا يارب ويرزقنا من حيث نحتسب ولا نحتسب امين

أنا معاكم إن شاء الله برجاء قبول الدعوة في الياهو وشكرا

حبيبتي مي اشكرك على هذا المجهود الرائع انتي تستحقي ان تكوني القائد ربنا يعينك انا بس عندي سؤال بعته في رسالة لك على الفيس انا سجلت في البنك الالكتروني بس كتبت عنواني الحالي و هو مخالف لما في البطاقة عادي ولا لازم اكتب العنوان الذي في البطاقة و عنواني الحالي شقة ايجار و ليس لي تلفون ارضي و لا وصل كهرباء او ماء كلها باسم صاحب الشقة ماذا افعل

ازيك عاملة اية
انا سجلت في المنتدي الخير الاسلامي وكمان سجلت في الشركة وعملت حساب في البنك الالكتروني
وكمان دخلت عملت استطلاع الرأي الخاص بالموقع وكله عن بيانات شخصية يوم الاحد 1-5-2011
وبعد كدة لاتوجد استطلاعات رأي أخرى وانت قلتى هيكون على الاقل أربع أستطلاعات فى اليوم وحتى الان لا يوجد أي شئ ولا استطلاع واحد وانا فهمت ان الاستطلاع بدولار يعنى كل 50 استطلاع ب 50 دولار
وبطريقة عدم وجود أي استطلاع فى اليوم الواحد أرى ان الحسابات اللى انت عملتيها عن المكسب فى الشهر الواحد صعبة جداااااااااااااا جدااااااااا
أرجو التوضيح منك

عايزه اكون معاكى بإذن الله

حبيبتى انا سجلت معاكم وانا من فتكات ومش فكره رقمى كام وربنا ييسر على فكره انا مشتركه فى يوغوسراف وعمله 100 نقطه

مى انا اشتركت فى البنك وفى الموقع وعملت 100 نقطة
هنعمل ايه تانى بعدها يا قمر عرفينى

deja كتب:لا البنك عادي لكن شركات الاستبان هي اللي ماينفعش غير واحد بس من كل جهاز
عشالن محدش يعغمل اكتر من عضوية وياخد فلوس كتير من الشركة
وكمان عشان الامانه ان تكون العينات حقيقية
لكن البنك عادي انتي ممكن تسحبي وتحطي من اي جهاز ممكن سايبر كمان بيكون الف غيرك مسجلين عليه البنك بيستفيد من الشغل ده مش انتي بس

اووووو ده انا واختي سجلنا في موقع الاستبيان من نفس الجهاز اعمل ايه؟؟؟؟؟

مي انا ضفت ايميلك ضيفيني

ونتقابل الساعة 7 زي ماقولتي

انا كمان معاكم وربنا ييسر

الساعة 7 ونص ومفيش جديد

لا مانا كتبت ع الفيس الساعة 8 وجيت اهو
ازيكم عاملين ايه هرد ع استفساراتكم بس بعد منزل الجديد

انا لغايه دلوقتى ما خدش رقم

السلام عليكم ورحمة الله وبركاته
انا مشتركة جديدة معاكم الفكرة مبدئيا ممتازة بس تحتاج شرح اكثر وتوضيح
اكثر اتمنى قبولي جزيتم خيرا

انا اسفه قيمت ردئ وانا معرفش
معلش الغى التقييم

السادة الأفاضل أعضاء المنتدى و الجروب، هناك البعض ممن يقولون بأنني على علاقة بإدارة موضوع الكسب الإلكتروني سواء على المنتدى أو على الجروب على الفيس بوك، فما يلي هو معلومة لمن لا يعلم، أنني أبدا لم أكن على علم بما يدور بإدارة المنتدى أو الجروب و لست أتحمل أي مسئولية عن أي مما يدور بأي منهما، و كوني قمت بالمساعدة في بداية الأمر، فذلك لأنني كنت أرغب في المساعدة نفسها لا أكثر و لا لأقل. و عليه و جب التنبيه

كما أود أن أشير إلى أنه لا يليق أبدا الإشارة من قريب أو من بعيد، أو بالتلميح أو التصريح، إلى الأخت مي بكونها قد اختفت مستأثرة لنفسها بما حصلت عليه من مكاسب مادية، إذ أنني لا أرى سببا لسوء النية أو القصد، و لنلتمس لها العذر حتى يقدر الله أمرا كان مفعولا.


محمد السقا